Kvíði, streita og áhyggjur

Sóley Dröfn Davíðsdóttir er sálfræðingur og hefur starfað við sálfræði í yfir tvo áratugi. Hún lauk námi í sálfræði við Háskóla Íslands árið 2001 og starfaði fyrstu sjö árin á geðsviði Landspítala háskólasjúkrahúss. Árið 2008 stofnaði hún Kvíðameðferðarstöðina ásamt samstarfskonu sinni og gegnir þar hlutverki yfirsálfræðings. Sóley hefur sérhæft sig í meðhöndlun kvíðaraskana og sinnir meðal annars einstaklings- og hópmeðferð, kennslu og rannsóknum á því sviði.

Sóley hefur lokið sérnámi í hugrænni atferlismeðferð og er sérfræðingur í klínískri sálfræði. Hún hefur gefið út fjölda bóka um kvíða, fælni, félagskvíða, þunglyndi og tengd málefni, með það að markmiði að bæta aðgengi fólks að sálfræðilegri meðferð. Í starfi sínu leggur hún áherslu á fræðslu, hagnýtar leiðir og upplýsta nálgun á kvíða og andlega líðan.