Viðskiptavinir muna ekki alltaf hvað var sagt eða gert. Þeir muna hvernig þeim leið og það er stór hluti af því hvernig þeir upplifa vörumerkið.
Á þessu staðnámskeiði er farið yfir hvað þarf til að skapa góða þjónustuupplifun, byggja upp traust og styrkja sambandið við viðskiptavini. Farið verður í dæmi úr framlínu og stjórnendastarfi, krefjandi samtöl, kvartanir, stafræna þjónustu og þau augnablik þar sem þjónustan skiptir mestu máli.
Námskeiðið hentar þeim sem vinna í þjónustu, leiða þjónustuteymi eða vilja styrkja þjónustumenningu innan fyrirtækis. Áherslan er á skýr samskipti, betri eftirfylgni, mannlega nálgun og hvernig góð þjónusta verður hluti af daglegu starfi.
Á námskeiðinu verður meðal annars farið yfir:
- hvað einkennir góða þjónustu og hvernig hún hefur áhrif á upplifun viðskiptavina
- hvernig virk hlustun, skýr samskipti og eftirfylgni byggja upp traust
- hvernig best er að bregðast við kvörtunum og krefjandi samskiptum
- hvernig halda má mannlegri nálgun í þjónustu, líka á stafrænum miðlum
- hvernig leiðtogar geta styrkt þjónustumenningu, fagmennsku og samræmi í teyminu
