Sóley Dröfn Davíðsdóttir, yfirsálfræðingur hjá Kvíðameðferðarstöðinni, fer yfir sjálfstraust, líðan og álag í starfi á skýran og aðgengilegan hátt.
Á námskeiðinu verður fjallað um mynstur sem geta haft áhrif á líðan okkar í vinnunni og kynnt hagnýt verkfæri til að takast betur á við krefjandi aðstæður.
Námskeiðið hentar öllum sem vilja draga úr álagi, efla trú á eigin getu og bæta líðan sína í starfi. Þátttakendur fá hagnýtar aðferðir og æfingar sem þeir geta nýtt til að styrkja sjálfstraustið, takast á við álag og setja skýrari mörk í daglegu starfi.
Á námskeiðinu verður meðal annars farið yfir:
- Hvernig draga má úr álagi og stuðla að betri líðan í starfi
- Hvernig efla má sjálfstraust og trú á eigin getu
- Hvernig takast má á við áhyggjur og ofhugsun
- Hvernig fullkomnunarárátta getur haft áhrif á líðan og frammistöðu
- Hvernig setja má skýr og farsæl mörk í starfi
