Flest tökum við fjárhagslegar ákvarðanir á hverjum degi, en höfum aldrei fengið almennilega kennslu í því hvernig við eigum að halda utan um peningana okkar eða byggja upp sparnað.
Á þessu staðnámskeiði er farið yfir það sem við hefðum viljað vita fyrr um fjármál. Farið verður á einfaldan og aðgengilegan hátt yfir heimilisfjármálin og þær ákvarðanir sem geta haft áhrif á fjárhaginn til lengri tíma.
Námskeiðið hentar öllum sem vilja öðlast betri yfirsýn yfir eigin fjármál, koma sparnaði í fastari skorður eða skilja betur hvernig fjárfestingar virka. Engin fyrri þekking er nauðsynleg og áherslan er á hagnýt dæmi og raunhæf skref sem þátttakendur geta tekið eftir námskeiðið.
Á námskeiðinu verður meðal annars farið yfir:
- Hvernig hægt er að fá betri yfirsýn yfir eigin fjármál
- Hvernig byggja má upp sparnað sem passar við mismunandi þarfir og aðstæður
- Hvernig getum við brugðist við þegar aðstæður breytast?
- Muninn á helstu leiðum til sparnaðar og fjárfestinga
- Hvernig áhætta, ávöxtun og tími tengjast
- Hvernig taka má upplýstari ákvarðanir og forðast algeng mistök
